واش هاد البرلماني الاتحادي گال لأخنوش نت غاتكون رئيس الحكومة.. الشطيبي ل”گود”: ها اش گلت وها سياقو

أكد البرلماني الاتحادي ادريس الشطيبي، أنه خلال مناقشة الميزانية الفرعية لوزارة الفلاحية والصيد البحري بمجلس النواب، قال أنه “ربما يلا كان عزيز أخنوش رئيس حكومة يدير فالبنية الحكومية ديالو إسم “وزارة الإنتاج والتصنيع والتصدير الفلاحي”.
وأضاف البرلماني عن دائرة إقليم صفرو، قائلاً: “أنا فقط اقترحت على أخنوش ماشي قلت هو اللي غادي يكون رئيس الحكومة والفلاحة راها ناجحة مزيان لكن المشكل أنها غير كتنتج وصافي ويلا مكانش التصنيع باش يكون توازن فالسوق غير بلاش وهادشي علاش قولت ليه يلا كان رئيس الحكومة يدير اسم “وزارة الانتاج والتصنيع والتصدير الفلاحي”.
وأوضح البرلماني اشطيبي، في تصريح ل”كود”: “راه ممكن يكون أخنوش رئيس حكومة وراه زعماء الأحزاب كولهوم كيطمحو يكون رؤساء حكومة والعلاقة ديال الاتحاد الاشتراكي مع باقي الأحزاب كولها مزيانة وربما يكون التجمع الوطني للأحرار اكثر وأنا أخنوش اهضرت معاه كمسؤول حزبي ماشي كوزير”.
“واللي قصدت فالاجتماع ديال البارح فمجلس النواب أنه فحالة ما يلا كان رئيس حكومة فالبنية ديال حكومتو يقدر يقتارح إسم داك الوزارة باش دير داك السلسة ديال الانتاج وتنتج شي حاجة اللي مغاديش تتلاح ونصدرو حقاش فلوس كتضيع. حقاش دبا الفلاحة كتقول انا غير كنتج والخارجية هي تدبر وهذا مشكل”.