ضربة جديدة لمهرجان مراكش. نجمة هاوس اوف كارت اللي كانت غادية تكرم دارت بناقص

مصدعينا بمهرجان مراكش توقف عام بلا ما يتحاسب حتى حد وباش بدا بدا عرج. حيدو اهم اقسام المهرجان وهي تكريم لدولة وكالو غاديين يقادو ويصايبو ووالو. ضربة جاتهم هاد الصباح ما وقعاتش حتى فالسابق. وحدة من المكرمات فهاد الدورة وهي روبن رايت دارت بناقص من المهرجان وما بقاتش جاية.
نجمة “هاوس اوف كارت” الممثلة المعروفة كان مبرمج ليها المهرجان تكريم.
شكون يتحاسب فهادي. خاص شي حد. البقالي ولا العرايشي ولا الجواهري اللي خدام عند الامير رشيد ولا الفاسي الفهري ولا كلشي والرئاسة.