الترقية ديال الحديوي الشاهد الرئيسي ف قضية بنعيسى جرّاتْ لفتيت للمسائلة البرلمانية

القضية ديال ترقية الخمار الحديوي الشاهد الرئيسي والوحيد ف القضية ديال متابعة عبد العالي حامي الدين، القيادي البارز ف صفوف “البي جي دي”، وصلات للبرلمان. فقد وجه علي العسري البرلماني المنتمي لحزب العدالة والتنمة، سؤالاً للوزير ديال الداخلية.
وسائل الفريق ديال “البي جي دي” عن الحقيقة والمصداقية ديال هاد المباراة، وعن الأهلية ديال السائق ف الانتساب إلى الهيئة ديال المحررين، أو قيام المحرر بمهمة شيفور، وعن ما يمكن الداخلية تعمل بيه لاحترام الشكليات والقواعد القانونية لإجراء المباريات ديال الكفاءة المهنية بجماعة قرية با محمد.
يشار إلى أن المثير فهاد القضية هو أن الخمار الحديوي لي كان شيفور ف الجماعة القروية المذكورة خدا الترقية ديال محرر من الدرجة الثانية بعد المباراة اللي دوز بتاريخ 26 دجنبر الماضي. يعني بعد يوم واحد على الجلسة ديال محاكمة عبد العالي حامي الدين أمام غرفة الجنايات الابتدائية، قبل أن يجري الامتحان الشفوي ويدوز فيه ف نفس اليوم اللي دوز فيه الكونكور.