الرواق المغربي فمعرض برلين الدولي لللاغذية والزراعة حسن من دول كثيرة بحال تونس: فيه الشهيوات المغربية وفن العيش والنشاط

البارح الجمعة 18 يناير 2019 تم افتتاح الرواق المغربي بمعرض “الأسبوع الأخضر” الدولي للأغذية والزراعة والبستنة ببرلين في دورته ال84 التي تتواصل الى غاية 27 يناير الجاري. الافتتاح دارو عزيز أخنوش وزير الفلاحة والصيد البحري والتنمية القروية والمياه والغابات.
كان من الناس اللولين اللي زاروه وزيرة الفلاحة والتغذية الألمانية يوليا كلوكنر. وفق تصريح للوزير فان “المعرض يعرف حضورا متميزا للمنتوجات المغربية المحلية التي تتسم بجودة عالية وبالتنوع من خلال مشاركة أكثر من 20 تعاونية الى جانب المجموعات ذات النفع الاقتصادي من جميع جهات المغرب من أجل ضمان تمثيلية ترابية واسعة.
هادا هو ميزة الرواق المغربي. حضور التعاونيات من كاع مناطق المغرب تقريبا. فلاحة تضامنية هي الصورة اللي بغى يرسلها المغرب للعالم فهاد المعرض لكبير اللي كيزورو نص مليون شخص فاسبوع
الرواق المغربي هنا فيه صورة على بلاد كتقدم، بلاد كتتحرك. بلاد ملونة وفرحانة بهاد الفسيفساء الثقافية ديالها. ايقاعات موسيقية لفرق موسيقية والماكلة المغربية اللي كتعيش عصرها. لبريوات وبسطيلة والكسكسكو واتاي… كلهم عصريين. هاد الجانب تكلف بيه ممون الحفلات الشهير رحال. المغرب كاين فالرقم 18 فهاد المعرض الكبير. حداه شوية كان معرض تونس. دولة بحالنا فامور كثيرة. رواقهم بلدي بزاف. فيه كثرة الماكلة ناقصهم تنسيق. ما كاينش التنسيق. العطور ديالهم مع روايح المالكة مع ملابس تقليدية. لا علاقة.
الرواق اللي كتشرف عليها مؤسسة “موروكو فودكس”، التابعة لوزارة الفلاحة والصيد البحري والتنمية القروية والمياه والغابات دار ف 623 متر مربع. بالخشب. زوين ملون.
المغرب جاب ما هو اصيل.زيت الزيتون، زيت الأركان، زيت التين الشوكي، الزعفران، الكمون، التمور، الخروب، الكسكس، الأعشاب العطرية والطبية، مشتقات الورد وغيرها. ليزويتر ما ورد …..
رواق يحمر لوجه. اللي جا ليه يمشي ناشط. المغرب غادي واحد من من 61 دولة مشاركة فمعرض فيه 125 ألف متر مربع وكيشارك فيه 1750 عارض