واش صحاب راسو ملك الكون. سلطان تركيا كيهدد وقضاؤو ماشي نزيه . ركب على مجزرة نيوزلندا: درنا خطأ باش حيدنا الاعدام ولا ما حاسباتش نيوزلندا هاداك الارهابي حنا عارفين كيفاش نحاسبوه

الرئيس التركي رجب طيب أردوغان باغي يركب على كلشي. هاد الرئيس اللي لعب خايب فجريمة قتل خاشقجي. عارف كلشي وما قدرش يحل فمو. ناض باغي يركب على جريمة نيوزلندا الارهابية.
وفق وكالة “الأناضول” الرسمية فقد قال “عليك أن تدفع ثمن ما اقترفت يداك. وإن لم تحاسبك نيوزيلندا، فنحن نعرف كيف نحاسبك بشكل من الأشكال”. يعني انو كاوبوي باغي يطبق اللي كيعتاقد انو قانون فالعالم. واش قضاءك يا سلطان تركيا الجديد بنزاهة قضاء نيوزلندا. اش دخلك فهاد القضية اللي ركبتي عليها. دولة عندها سيادة
باش تفهمو عقليتو مزيان اضاف سلطان تركيا “بالنسبة لي، لقد أخطأنا حين ألغينا عقوبة الإعدام، إذ يصعب علي أن أرى الذين تسببوا في مقتل 251 مواطنا ليلة المحاولة الانقلابية (15 يوليو 2016)، وهم أحياء في السجون تتم تلبية احتياجاتهم، حتى ولو كانت عقوبتهم السجن المؤبد”.
يعني انو استغل هاد الجريمة الارهابية باش يبدا مخططو ويرجع الاعدام ويطبقو على معارضيه اللي كل نهار كيتكاثرو فالسجون وفي مقدمتهم الصحافيين