بن عرفة: خدمت علم النفس باش نخلي النقابات توافق.. والله تحكم فهم ووقعنا على الإتفاق لي غادي يدعم القدرة الشرائية ديال المواطنين – فيديو

أعرب العثماني رئيس الحكومة عن فرحته في ما يخص الإتفاق الثلاثي حول الحوار الاجتماعي، واعتبر هاذ الإتفاق تاريخي وغير مسبوق، وأضاف خلال المهرجان الخطابي لنقابة الإتحاد الوطني للشغل بالمغرب بمناسبة فاتح ماي أنه فكر مزيان حول الطريقة لي غادي تخلي النقابات متفشلش ليه الإتفاق، ورجع يقرا الكتب ديالو في علم النفس باش يخدمها وكلشي ياوفق، وأضاف ” الله تحكم فهم ونجح الأمر ووقعنا جميعا، كما أنه ختارينا هاذ الوقت بحكم الإنتخابات مازال بعيدة باش حتى واحد مايجبد شي حسابات أخرى.
وقال الأمين عام ديال البيجيدي خلال عيد العمال ف، أنه كين لي حاول يفشل ليه هذ الحوار مرارا كما أفشله البعض سنة 2016، ونفى أن العرض ديال بنكيران للنقابات كان ضعيف، والصحيح أن الكل كان بغا يوقع لكن الحسابات سياسية والقرب ديال الإنتخابات خلات البعض يتراجع عن التوقيع وهادي هي الحقيقة.
بن عرفة لي حيد الكرافطة باش يبان شعبي زعما، بوجهو حمر قال ان هاد الإتفاق غادي يدعم القدرة الشرائية ديال شرائح واسعة من المواطنين.