ودابا فهم شي حاجة فالبلاد وشوفو ناس بنعرفة. الكاتب الجهوي للبي جي دي فكلميم: جهات فالداخلية من المافيا وترعى الفساد فالجهة ولن نقبل اي توافق ولا رئيس الا عبد الرحيم بوعيدة =فيديو=

https://www.facebook.com/172118712872056/posts/2250432405040666?sfns=mo
رئيس الحكومة اللي خدا الحكومة بلا ما يستحقها وامين عام حزب العدالة والتنمية مصدعنا هاد ليام بالمنجزات ديال حكومتو. كلامو كولو باللي لبلاد مزيانة. رئيس الحكومة كيهدر على حكومة منسجمة على امور كثيرة. قيادي فحزبو كيقول العكس. البارح ليلة 27 بالقصابي وبالضبط بدار عبد الرحيم بوعيدة رئيس جهة واد نون كلميم المقال تكلم عبد الله النجامي الكاتب الجهوي للعدالة والتنمية ليكذب بنعرفة فكلشي.
قال باللي ما يقع فجهة كلميم تشرف عليه مافيا فوزارة الداخلية يهمها رعاية الفساد. شدد على ان حزبه سيصمد مع الشرعية وانه لن يسجل عليهم التاريخ ان يكونو طرف فالضغط على “الرئيس” باش يستاقل ولا يخوي الساحة”. كلشي صفق على هاد لكلام.
واضاف ان كلميم غير صورة مصغرة لمافيا ترعاها جهات فوزارة الداخلية وهي اللي دايرة لبلوكاج. هاد الاطراف فالداخلية يضيف قيادي حزب بنعرفة “ما تخلعنا” و”ما خايفين من حد الا مولانا”. وطلب تدخل الملك والداخلية اللي سبها وقال فيها جهات مع مافيا الفساد
واعاد التاكيد ان حزبه لن يدعم غير بوعيدة. اشارة واضحة الي ان ما قيل عن امكانية استقالة هاد الاخير وتعويضه بمباركة بوعيدة وان المفاوضات متقدمة ما منهاش. ايلى البي جي دي ما كانش مع الوزيرة باش تاخد الجهة شكون غادي يكمل ليها الاغلبية ويدعمها.
الداخلية مازال كيسير الجهة والاربعاء اللي فات سالات مهلة اخرى باش يلقاو الاحزاب المشكلة للجهة حل. كان الحل هو مباركة بوعيدة. دابا كلشي رجع لنقطة الصفر. هادا كيعني ان الداخلية تقدر تكمل هاد الولاية. الحل اللي منطقي هو تعاد الانتخابات ماشي يبقى الوضع حتى لنهاية الولاية

رابط الفيديو