البوليس قرقبو على مول صفحة “حمزة مون بيبي” لي شوه بزاف ديال المشاهير والتحقيق بدا مع لي كان كيشكر فيهم

5 أيام هادي باش تسد الكونط ديال “حمزة مون بيبي” لي التخصص ديالو فضح المشاهير وكيجيب الخبارات والتبركيك وديما منوض سكوندال.
الكونط لي ماكانش معروفش شكون مولاه ولا ديالمن ولا علاش مديور أصلا، كان منوض الصداع بين الناس العادين ولكن المشاهير بدرجة كبر حيت كان كيجيب ضواسة خايبين.
الخبار لي رايجة دابا، أن البوليس ديال مراكش اعتاقلوه في المطار ملي كان داخل للمغرب من الامارات. ومن تما بداو كيعيطو لبزاف ديال السميات باش يحققو معاهم حيت القضية فيها عصابة وماشي غير واحد لي مكلف بهاد الكونط.
سكينة لي معروفة بكلامور دارت لايف وقالت أن البوليس فعلا حققو معاها وفي الأخير خرجات حيت ماعندها به علاقة. فيصل اثري لي حتى هو مشهور في انستكرام دار ستوريات كيقول أن البوليس عيطو ليه حيت دوزو “حمزة مون بيبي” شي مرة في سناب شات.
قضية هاد الكونط لي كان عندو متابعين صحاح وكيحط الخبارات سخونة، كيبان أنها قريب تسد.
ولعل أشهر الحوايج لي دار هما نشر التصاور ديال الاعلامية مريم سعيد وهي القضية لي خلات mbc تتخلا عليها، ودابا جاية عام باش السيدة غبر ليها الأثر من نهار الحملة لي ناضت عليها من هاد الكونط.