باتيلي مدرب منتخب الجزاير: كانحترم المغرب ولكن غادي نربحو

الفرنسي لودوفيك باتيلي، مدرب المنتخب الجزائري للاعبين المحليين، بان واثق من نفسو فتصريحاتو الصحافية قبل مباراة المنتخب الوطني، لي غادي تكون غدا السبت بملعب مصطفى التشاكر ضمن التصفيات الإفريقية المؤهلة إلى نهائيات كأس إفريقيا للأمم بإثيوبيا 2020.
لودوفيك باتيلي گال بلي منتخب الجزائر موجد مزيان للماتش ديال المغرب، ومستعد باش يتأهل للشان، لأنه هذا هو الهدف علاش جا للمنتخب الجزائري، بعدما اقترحو جمال بلماضي، مدرب المنتخب الأول لهاد المهمة.
هاد المدرب اعترف بلي مدة الاستعدادات كانت قصيرة، باش يحضر للمغرب كما يجب، ومع ذلك أكد أنه غادي يربح الماتش “انا كانحترم المنتخب ديال المغرب، لأنه عندو تجربة في الشان وهو من أفضل المنتخبات فالقارة الإفريقية، ولكن غادي نربحو غدا”.
باتيلي أكد أن اللعابة ديالو باغيبن يربحو وغادي يتقاتلو على 3 بوان، عندهم رغبة باش يلعبو الشأن.
أما إلا خسر هاد المدرب غادي يكون فوضع محرج، حيت هو لي فشل مع المنتخب الجزائري أقل من 23 سنة، وما أهلوش للبطولة الإفريقية بمصر المؤهلة إلى الألعاب الأولمبية بطوكيو 2020، ربما يجري عليه الاتحاد الجزائري إلا تقصا المنتخب المحلي هاد المرة.