تذاكر مزورة فكلاسيكو الوداد والجيش.. شكون المسؤول

كشفت مصادر مطلعة ل”كود”، وجود تذاكر مزورة فكلاسبكو الوداد الرياضي والجيش الملكي اليوم الثلاثاء بملعب مركب محمد الخامس في الدار البيضاء.
المنظمون عاقوا بزاف ديال “لي بيي” مزورين قبل الماتش، مطروحة فالسوق السوداء، والبعض الآخر تباعت في شبابيك.
العديد من الجماهير اكتشفت هاد التذاكر قبل ما دخل التيران، الشي لي خلاها تعبر على الغضب ديالها.
دابا شكون لي مسؤول على التزوير ديال التذاكر، واش إدارة الوداد البيضاوي، ولا الشركة لي مكلفة بالتذاكر والتنظيم.
الجمهور عبر عن الغضب ديالو، خصوصا لي شرا هاد التذاكر، حشومة يتزورو التذاكر فماتش ديال كأس العرش، كما أن الثمن المحدد ما غاليش وفالمتناول.
خاص مسؤولي الوداد يفتحوا تحقيق في الجهة المسؤولة عن تزوير التذاكر، باش يضربو بقوة على المتلاعبين بسمعة فريق الأمة والكرة المغربية.