التكناوتي: أنا مضروب ما شي ما بغيتش نكون روبلاصو وحتا واحد مع عندو الحق يشكك فوطنيتي

رضا التكناوتي، حارس الوداد البيضاوي كذب گاع الأخبار، لي تكلمت على أنه رفض يكون روبلاصو للحارس أنس الزنيتي فالماتش ديال المنتخب المغربي كونتر الجزائر نهار السبت الماضي، ضمن التصفيات الإفريقية، المؤهلة إلى نهائيات كأس إفريقيا للمحليين.
التكناوتي نفى هاد الاتهامات كاملة، وگال بلي تضرب فالعشية قبل الماتش فرجليه.
ولم يتقبل حارس الوداد البيضاوي الانتقادات، لي تعرض لها فالماتش ديال الوداد والجيش واخا ملعبش، وأكد أن لعب لجميع المنتخبات الوطنية من الصغر وما يمكليهش يخون بلادو عاد دابا، وحتا واحد ماعندو الحق يشكك فوطنيتو.
ونفى التكناوتي خلافو مع المدرب الحسين عموتة، فاش گال أنه كيحترمو سواء لعب رسمي أو احتياطي أو طلعوا لتريبين.
التكناوتي مالعبش البارح كونتر الجيش الملكي بداعي الإصابة، ودخل بلاصتو ياسين الخروبي، لي ماكانش عندو الزهر، بعدما تلقى أهداف سهلة.
الجامعة كتدرس إمكانية إنزال عقوبة قاسية على التكناوتي، لحقاش ما بغاش يكون روبلاصو للحارس الزنيتي فالماتش ديال الجزائر.