البارح كان اجتماع الامانة العامة لحزب العدالة والتنمية فالرباط. كلشي كان كيتسنى باش غادي يبرر هاد الحزب تحالفو مع البام فجهة طنجةتطوانالحسيمة نفس النهار. البي جي دي اللي كان كيشيطن البام هادي فترة قبل يكون نائب رئيسة الجهة الجديدة فاطمة الحساني اللي عوضات الياس العماري المستقبل. العمراني اللي عطاتو الامانة العامة هاد المسؤولية المقودة٫ بدا يدخل ويخرج فالهدرة. تصورو تكلم على الحزب اللي تحالف معاه بلا ما يجبد اسمو. قاليك وكذب على لمغاربة طبعا وزاد طبع مرحلة بنعرفة فالحزب والحكومة٬ انه غير “تفاعل مع طلب ورد إليه من جهة الترشيح في هذه الجهة، حيث إنّ ممثلي الكتابة الجهوية نقلوا للأمين العام الحيثيات والخلاصات التي انتهى إليها اجتماع الكتابة الجهوية وفريق الحزب بمجلس الجهة، والذي كان التوجه العام هو المشاركة في التسيير تفاعلا مع الدعوة التي وجهت إليه للدخول إلى الأغلبية المسيرة”. باش تعرفو هاد الشي كذوب قبل من الانتخابات ديال البارح فالجهة نفس الحزب هاجم وانتاقد جهات كتوجد المجلس. على هاد لحساب نفس الجهات هي اللي جابت البي جي دي وعطاتو النياية الاولى لرئيسة الجهة، وبغى العمراني يكون مقنع. قال باللي كاين مقرر تنظيمي حزبي ف2015 فيه ان تدبير وترشيح ناس الحزب فمكاتب الجهات والمدن الكبرى عندو لجان كيعينها وكيشرف عليها الامين العام وباش زاد قودها هي باش قال باللي الدخول للاغلبية “امر مهم” وعندو فوائد عديدة. الخلاف السياسي ماشي مهم عندو. وزاد باللي هاد التحالف ذو طبيعة محلية ماشي تحالف سياسي. شفتو مازال كيضحكو على بنادم البي جي دي قال ليك باغي يدفع بعجلة التنمية فالجهة وكون بصاح راه عندكم مدينة طنجةوتطوان…. اش درتو بيها.
