زلزال فالصبليون. اليمين المتطرف الاسباني فوكس اللي بغى يبني سور فسبتة ثالث قوة سياسية فالبلاد

زلزال سياسي فالصبليون٬ فحسب استطلاعات الرأي بعد انتهاء التصويت فالانتخابات التشريعية الاسبانية قبل قليل فان الرابح الاكبر فهاد الانتخابات هو الحزب اليميني المتطرف “فوكس”. دابا هاد الاستطلاع اللي نشراتو القناة الاسبانية “تي في او” عطى ل”فوكس” ما بين 56 و59 مقعد فمجلس النواب المقبل. بهاد العدد غادية تولي القوة السياسية الثالثة فالبلاد وراء الحزب العمالي الاشتراكي الاسباني اللي قال هاد الاستطلاع باللي غادي يجيب ما بين 114 و119 مقعد متبوعا بالحزب الشعبي اليميني اللي عطاوه ما بين 85 و90 مقعد.
الضربة القاضية كلاها “سيودودانوس” اللي كان القوة الثالثة فاخر انتخابات تشريعية قبل اشهر واللي يتوقع يجيب ما بين 14 و15 مقعد يعني خسر اكثر من 40 مقعد.
اليسار الراديكالي ممثلا ف”بوريموس” جا وفق هاد الاستطلاع فالرتبة الرابعة وغادي يقدر يحصل على ما بين 30 و34 مقعد فالبرلمان المقبل
اليمين المتطرف الكاره للاجانب خاصة المغاربة ولى قوة سياسية كبيرة. هاد الحزب اللي بغى يدير سور بين فسبتة باش يوقف الهجرة واللي هدر فحملتو علي هاد الموضوع٬ ولى مهم بزاف