اخنوش فورطة ففينال كأس العرش. شكون يشجع الحسنية ولا الطاس

عزيز اخنوش رئيس التجمع الوطني للاحرار غادي يكون فورطة فنهاية كأس العرش لكرة القدم. البارح كان فالتيران فمراكش باش يشجع حسنية اكادير. كان عطى كيران لمشجعي الحسنية باش يحضرو لماتش مراكش وتبع ماتش البارح اللي ضربات فيه الحسنية المغرب التطواني ب3 لزيرو.
المشكلة غادية تكون فالفينال. الفرقة الثانية اللي تأهلات عزيزة عليه وعندو علاقة كبيرة بيها وهي الاتحاد البيضاوي “الطاس”. هو كان حارس فدفاع عين السبع شي وقت ولكن الطاس وملعب الحفرة حدا سينما السعادة بالحي المحمدي فكازا٬ كانت الفرقة المفضلة. لحد الان اخنوش كيصوت فدرب السعد فالحي المحمدي.
هاد الماتش دالفينال غادي يخليه فورطة. اش يختار: الحسنية ولا الطاس.