عادل السمسار اللي بغى يعطي لثورية شهرين عوض 8 اشهر قرقب عليه البوليس. ها فين تشد وها اش كان لابس اللي خدا فحكم 35 الف درهم رشوة

علمت “كود”، من مصدر مطلع، أن مصالح الأمن الوطني، تمكنت مساء اليوم الجمعة، من توقيف داك النصاب اللّي بان في شريط فيديو انتشر بشكل واقع على مواقع التواصل الاجتماعي، وكيسمسر فشي ملف قضائي كان معروضا على القضاء.
وجاء توقيف المعني بالأمر، حسب مصدر “كود”، بعد الأبحاث والتحريات الأمنية المكثفة التي باشرتها الفرقة الجنائية الولائية بمدينة الدار البيضاء تحت الإشراف المباشر للنيابة العامة المختصة، مشيرا إلى أن الموقوق يجري حاليا البحث معه.
وفق مصدر ل”كود” فهاد السيد تشد فحي الرحمة مع الستة العشية. وعاينت “كود” نقله محاط بعدد من رجال الامن الى مقر ولاية الامن باش تحقق معاه الفرقة الولائية. السيد طويل وصحيح وكان داير علي راسو كابيشون.
المعتقل سميتو عادل وكان قال باللي بغى يغير الحكم. ثورية كانت دارت شي جريمة وفق الفيديو ويتوقع يحكم عليها ب8 اشهر ومع سمسار القضاء بغى يرجعها شهرين وهاد الشي ب35 الف درهم. القضية كيف قال بالفيديو داخل فيها الرئيس.
دابا مع التحقيق غاديين نعرفو شكون هاد الرئيس ولمن كيسمسر