ليلى شمام الانستاگراموز لي مريضة بالكونصير قررات تخوي المغرب وتقلب على العلاج فبلاد أخرى

ليلى شمام الانستگراموز لي مريضة بالسرطان قررات تخوي المغرب بعدما عانات من الإهمال على حد قولها وملقاتش العلاج للمرض ديالها لي فتك جسدها.
View this post on Instagram
وداعا يا وطني … سأرحل يا أصدقاتي نعم سأرحل إلى وطن أخر ..سأرحل بحثا و أملا في شفاءٍ لا يغادر سقما .. سأرحل محاولة أن لا أدرف دموعي امام أحبائي .. أبي أعلم أنك ستشتاق إلي وتكون بحاجة لي متلي تماما .. ولكن لا حيلة لي في هذا الوطن الذي استعصى عليه علاجي ..فسامحني عن كل تقصير كان بقصد أو بدون قصد .. سامحني عن كل لحظة كنت تريد ابنتك بجنبك ولم تجدها ..فانا اتمنى شفائي لا لشيء ، إلا لأرى فرحتكم، إلا لأجلكم إلا لأجازيكم ولو بذرة على ما قدمتموه لي .. فأقل ما يمكنني أن أعترف به لكم هو أني محظوظة لأني إبنتكم ❤️❤️ سأرحل يا وطني لأودع أخي الصغير سأترك اخواتي ورائي ينظرون الى خطواتي وأنا راحلة عنهم .. سأترك عائلتي … سأترك أيضا أصدقائي … سأشتاق إلى الجلوس معكم يا أصدقائي لنتكلم عن أي حظ نحن فيه .. وأي لعنة التي أصابتنا لنبقى في هذا الوطن تحت رحمتهم و نعاني من اهمالهم .. سأغادر يا وطني ولا أعرف متى سأعود وهل سأعود إليك أصلا .. سأغادر هذا الوطن ليس حبا في أوطان غيرنا سأغادر هذا الوطن لأنه لا يوفر لنا ابسط حقوقنا سأغادر هذا الوطن لأن من يسيرونه غير مبالون بحالنا وغير مهتمون بضعفنا .. ???????? ادعوا لي بقدر حبكم لي
A post shared by ❣️ (@leilachemam) on Dec 15, 2019 at 10:44am PST
ليلى حطات البارح الأحد رسالة وداع في الكونط انستگرام ديالها، واختارت تمشي لباريس باش تعالج. وقالت “غادة نخوي البلاد ماشي حيت كنبغي بلاد أخرى لا، ولكن حيت في بلادي ماكيوفروش لينا أبسط حقوقنا. ولأن لي كيسيروه مامسوقينش لحالنا، ومامهتمينش بضعفنا”.
View this post on Instagram
جيت نقول المجد و كل الحب لجميع محاربات السرطان .. أصعب حرب تقدر تدخل ليها هيا تحارب طرفين أقوياء (السرطان و الكيماوي) كيتحاربو فوق أرض كلها حياااة وكيحاولو يقتلوها بجوج .. اه حنا قويات وماشي غير كلمة فقط او كيقولوها لينا باش يفرحونا لاااا بصح نحن الأقوى .. مع سرطان قدرتي تقطعي شعرك بيدك و تقبلي راسك بلا شعر وتقبلي تغير ملامحك وتجاوزي هاد المرحلة لي صعيبة بزاف راك فعلا قوية .. مع سرطان بدلتي جميع مستحضراتك التجميلية و عطورك لكريمات مرطبة ضد الجفاف .. ااه جفاف لدرجة ماكتقدرش تشوف للحمك كيفاش كيتحرق راك فعلا قوية .. مع سرطان تخليتي عن جميع كماليات الحياة من لبس و خروج و سفر وكتقاتلي مع دوايات والحصص و صكانيرات و ما مديتي يدك لحتى واحد وهادشي فسبيل نصر يوما ما ادن راك فعلا قوية .. مع سرطان جربت شعور كيف أن الكل ينام ونتا لا من شدة الالم و حروق العلاج الكل يأكل طبيعي ونتي لا أغلب ماتحبيه دخل لائحة الممنوعات و ماعندكش مشكل ادن راك فعلا قوية.. مع سرطان جاوك لحظات الضعف الاستسلام الإكتئاب فقدان امل لحظات بكيتي بوحدك وقلتي اه عييييت ياربي امتى ايسالي هادشي لحظات تمنييتي الموت باش ترتاحي من الحريق لحظات حسيتي راسك بوحدك حتى واحد مافهماك او حاس بيك .. وفوسط هاد ضعف كتقدري ترجعي قوة جديدة و صبر مضاعف .. ادن راك فعلا قوية مع سرطان قدرتي تكسبي محبة ناس و دعائهم فظهر الغيب .. وعرفتي ناس ما تشراش بكنوز دنيا و بان ليك معدن بعض ناس لي تخلاو عليك.. من اول شوط أعلنو انسحابهم .. وخليتهم وكملتي ادن راك فعلا قوية مع سرطان قدرتي تزرعي الأمل فقلوب الأصحاء قبل المرضى قدرتي تكوني قدوة عند بزاف ناس .. قدرتي ترسمي الإبتسامة فوجه كل من زارك رغم ألمك ادن راك فعلا قوية مع سرطان تزادتك قوة على قوة و صبر على صبر ماكتقلبيش على تعاطف او شفقة بالعكس كتحسي براسك مميزة حيت ربي يحبك لذلك عطاك هاد الابتلاء و كتعايش مع المرض و قساوتو فامل الشفاء و الجزاء .. المجد لكن امي اختى ابنتي كل محاربة حاربة من أجل نفسها و عائلتها وجميع من يحبها .. كل محاربة انهت المعركة بشرف وانتصار .. احبكن أيتها القويات ???????????? النصر لنا و ليذهب السرطان للجحييييم
A post shared by ❣️ (@leilachemam) on Sep 10, 2019 at 3:19am PDT
وطلبات ليلى لي كتعتابر مثال للصبر والقوة من المتابعين ديالها والناس لي كيعرفوها في العالم الافتراضي والواقعي باش يدعيو معاها.
View this post on Instagram
كنتمنى هاد الحملة تنجح .. كنتمنى يلقاو لينا حل .. كنتمنى هادشي يتبارطاجا كيف كيتبرطجاو الخاويات .. كنتمنى يرحمونا هاد ناس .. كنتمنى حتى نتا لي مامريضش تعاون المريض و تحس بيه و #مابغيناش_نموتو_بالسرطان
A post shared by ❣️ (@leilachemam) on Dec 12, 2019 at 9:36am PST