خبير فالشؤون الرياضية. الرجا عندو قوة قاهرة وحالة استثناء ويقدر يمشي للطاس والعصبة ماشي قانونية

قضية الرجاء البيضاوي والعصبة الاحترافية غادية وكتكبر، بعدما رفض الفريق الأخضر خوض مباراته المؤجلة أمام الدفاع الجديدي اليوم الثلاثاء بملعب العبدي فالجديدة.
خبير فالشؤون الرياضية، لي ما بغاش اسميتو تذكر، أكد ل”كود” أن الرجاء البيضاوي عندو حالة استثناء وقوة قاهرة لي فرضات عليه عدم إجراء الماتش، لحقاش ما يمكنش ليه يتنقل مرتين في وقت وجيز جوج مرات للجزائر.
واخا القانون كيؤكد كيحدد 72 ساحة بين ماتش وماتش، إلا أن العصبة كان عليها مراعاة القوة القاهرة ديال الرجاء.
الخبير القانوني زكى موقف وهبي الناطق الرسمي ديال الرجاء ل”كود” فاش گال إن فريقو ما قاطعش الماتش وما اعتذرش، لكن طلب التأجيل لي عندو قوة قاهرة تفوق إمكانياتو.
الرجاء غادي ينتظر المصادقة على نتيجة الماتش ديال الجديد ويتوصل بالقرار النهائي أي أنه يخسر الماتش وخصم نقطة من رصيده، باش يمكن ليه يستأنف ويقدر يمشي حتى المحكمة الرياضية الدولية الطاس.
واكثر من هادشي كامل حسب الخبير الرياضي أن العصبة الاحترافية براسها ماشي فوضعية قانونية، لأن رئيسها هو سعيد الناصري رئيس الوداد البيضاوي، أي أن هناك تنازع المصالح وماشي محايدة.