بعدما علقات رحلاتها للشينوا.. “لارام” تخصص طيارة خاصة لنقل المغاربة الحاصلين فالووهان إلى مكناس

خصصات الخطوط الملكية المغربية (لارام)، طيارة خاصة من نوع بوينغ 737، اليوم الجمعة، لإجلاء الطلبة المغاربة اللي مازالين حاصلين فمدينة ووهان فالشينوا بسبب انتشار فيروس “كورونا” القاتل.
الطيارة غادي تدير جوج إسكالات منين تكون راجعة من ووهان، غاتدوز لمطار بيكين، وغاتوقف فمطار نوفوسيبيرسك، ثم غاتحل أخيرا بالمطار العسكري بالبساتين فمدينة مكناس ف2 فبراير المقبل.
وغادي يكون على متن الطيارة طاقم طبي كبير “بحجم وحدة متنقلة”، وممثلين عن جميع السلطات المعنية.
وتم تجهيز سبيطار سيدي سعيد فمكناس لاستقبال الطلبة اللي جايين من الشينوا، وإخضاعهم للحجر الصحي لمدة 20 يوما، حيث ستمنع زيارتهم أو رؤيتهم.
وكانت “لارام” علنات، لبارح الخميس، عن إلغائها لجميع رحلاتها للشينوا، بسبب قلة الطلب عليها، وأكدات أنها غاتفتح خطوطها الجوية للشينوا والعكس ف31 من شهر فبراير المقبل.