سيتم حجب هذه الصورة تلقائيا عندما يتم الإبلاغ عنها من طرف عدة أشخاص.
الكاتب والديبلوماسي السابق عبد القادر الشاوي يشرح ل”كود” علاش قال “تا سير تنبگ” لبوريطة: ما تعانيه ديبلوماسيتنا هو ربط البوليساريو بين اسرائيل والمغرب وبوريطة طاح فهاد الشي بلا ما يشعر وهاداك تعبير شخصي ما ساء لحد
عبد القادر الشاوي الكاتب المعروف والسفير السابق للمغرب في الشيبلي والديبلوماسي السابق شرح ل”كود” سياق تدوينتو على تصريح وزير الخارجية والتعاون ناصر بوريطة فمجلس المستشارين باش قال “ما خاصناش نكونو لفلسطينيين اكثر من الفلسطينيين”. الشاوي كان دار تدوينة قال فيها “تا سير تنبگ. نعم يجب ان نكون فلسطينيين اكثر من الفلسطينيين. لان اسرائيل دولة محتلة توسعية٬ والايديولوجية الصهيونية عنصرية ارهابية” ثم هاجم الخارجية وكتب “الخارجية المغربية فيها اللؤم والجهل والفراغ والتخلف وللا جدوى والادقاع السياسي”. الشاوي اكد ل”كود” ان وزير الخارجية تناول الموضوع بطريقة خاطئة٫ وشرح هاد الشي ل”كود” “خلفية الموضوع انني كنظن باللي الخارجية تناولات الموضوع بطريقة خاطئة. الخارجية ما خاصهاش يكون عندها موقف بحال هادا. ما خاصهاش تقول “ما خاصناش نكونو فلسطينيين اكثر من الفلسطينيين”. صاحب “كان واخواتها” والمعتقل السياسي السابق اكد ل”كود” ان “المغرب فيه معطى مهم وهو ان الملك هو رئيس لجنة القدس وهاد الشي عندو علاقة مباشرة منع القضية”. الديبلوماسي اللي رفض يكون سفير فجنوب افريقيا واختار يرجع للمغرب كشف ل”كود” بعض متاعب الديبلوماسية المغربية “”اخطر ما تعاني الديبلوماسية المغربية هو دعاية البوليساريو اللي كتربط بين المغرب واسرائيل. على هاد الربط العلني حاص وزير الخارجية يكون حذر فتصريحاتو. وكنظن انو وقع فيه بلا ما يشعر” الشاوي ذكر في تصريحه ل”كود” انو ممكن يكون شي عرض امريكي فهاد الاتجاه: الربط بين الصحراء وفلسطين٬ ولكن خاص يعرف وزير الخارجية ان يقول ويختار الكلمات بخصوص عضويته كحكيم فالهيئة العليا للاتصال السمعي البصري “الهاكا” اللي كتفرض على صاحبها واجب التحفظ استغرب الشاوي فتصريحو ل”كود” من هاد الشي. وقال “اللي كتبتو ما عندو علاقة بالهاكا نهائيا. واجب التحفظ كيكون على امور عندها علاقة بالقطاع السمعي البصري. راه ما يمكنش لمؤسسة دستورية تصادر حق عضو فيها عن التعبير عن افكارو ومواقفو اللي بعيدة عن مجال تخصص هاد المؤسسة. وحول ما اذا كان اساء لوزير الخارجية قال الشاوي ل”كود” “ما كانش المقصود من التويت الاساءة المباشرة. هاداك شعور تعبير عن موقف دافعت عليه حياتي كلها. كاع اللي خدمت معاهم كيعرفوه. ديما كنعطي رأيي فالخارجية او غيرها ولكن فاطار الاخلاقيات والقوانين الجاري بها العمل” بخصوص ما اذا كانت التويت عندها علاقة بخلاف مع ناصر بوريطة قال الشاوي ل”كود” “انا غادرت الخارجية ف2012 كان بوريطة كاتب عام وكان اختيار شخصي. راه اللي قلتو تعبير عن موقف شخصي عن رايي فقضية كبرنا فيها وعشنا معاها
