واش وزير العدل ولاو فيدو سوارت الحبس يعفو على اللي بغى ولا داير حملة انتخابية؟ شوفو الاتحادي اللي تلاقى مع عائلات حباسة وكيوعد فيهم وكياخد الورد لا حيا بلا حشمة

محمد بنعبد القادر وزير العدل الإتحادي واقيلا مفراسوش بلي النيابة العامة استقلات ولا كيسحاب ليه راسو هو رئيس الدولة لي من حقو يعفو على ناس تحكمو نهائيا، البارح الثلاث فطنجة وفمنظر كيبان بحال إلا مخدوم، تلقاو ليه زوجات وأمهات سجناء ما يعرف بقضية 87 طن، المحكومين بالسجن يتهمة حيازة مخدرات بالشاحنات لي كانو صايكين، تلقاو ليه بالورد ومشا عندهم نيشان وكيشير بيديه للأمن باش خليوهم يوصلو ليه وبقاو كيقولو ليه حنا كنتيقو فيك وهو كيجاوبهم بلي غادي يدير اللازم. هاكاو على اللازم. واش كيصحاب ليك باللي سوارت الحبس وقرارات العفو بيدك؟
ما عرفناش شنو ممكن يديرو وزير العدل وشنو هي الصلاحيات لي عندو فظل استقلالية القضاء والنيابة العامة؟! أم أنها فقط مسرحية لإظهاره بالرجل المحبوب في الشمال لاسيما أنه ينحدر من مدينة تطوان؟ شخص آخر تقدم لإعطاء الوزير ملف لم يعره أي إهتمام بل طلب منه التراجع لأنه كان حريص على أن يتم تصوير المشهد بدقة. كيقدر راسو بحال رئيس الدولة صافي. الله ينعل اللي ما يحشم. موحالش يحشم اللي دار هاد المسرحية