بسباب كورونا منتخب الفوتصال ألغى الكونصونتراسيون

الجامعة الملكية المغربية لكرة القدم لغات الكونصوتراسيون ديال منتخب فوت صال اللي كان غادي يكون فابريل الجاي، تحضيرا لنهائيات كأس العالم بليتوانيا، بسبب تفشي وباء كورونا المستجد.
المنتخب الوطني سطر برنامج متكامل باش يبدأ لونتريمو مبكرا، لكن تداعبات فيروس كورونا خلات المعسكر ديالو يتلغى، وبالتالي ما فادي يلعب كونتر منتخب الأرجنتين نهار 6 أبريل المقبل.
وحسب مصدر مسؤول، فإن المنتخب الوطني ما غاديش يمكن ليه يلعب هاد المباراة الإعدادية واخا مهمة بسبب الإجراءات الاحترازية المتحدة لاحتواء هاد الوباء، وبالتالي تأجل ماتش الارجنتين إلى موعد لاحق.
وتجدر الإشارة إلى أن منتخب القاعة سبق ليه فاز بلقب كأس إفريقيا بي فبراير الماضي بعدما ربح مصر بخمسة لزيرو.