دور جماعات اسلامية فتنظيم عصيان طنجة وفاس ومدن اخرى. لفتيت: ما كنظنش هاد الشي جهل. هاد الشي تنقل لمصر وساهمو فيه رجالات تركيا وقطر عند عريبان

داك العصيان اللي وقع فمدن طنحة وفاس وغيرها هادي يومين باش خرجو مسيرات كتردد "اللطيف" و"الله اكبر" فتحدي كبير لحالة الطوارئ الصحية ماشي عفوي. هاد الشي نقلوه رجالات تركيا وتركيا بحال هاداك المتخلف معتز مطر اللي عايش من فلوس اردوكان والدوحة. هاد المتخلف البوق لسيدو اردوكان احتافل بمخالفة القانون اللي وقع فالمغرب احتفال كبير. ماشي غير هاد الشي بل نقلو لدولة مصر اللي كيسب فيها نظامها كل يوم
الشرطة المصرية كانت فرقات مسيرة ضد كورونا" فالإسكندرية. هتاد الشي شاركو فيه فنفس الوقت اللي وقع فالمغرب٬ عشرات المواطنين. ظاهريا كيدعيو الله لمنع تفشي كورونا٬ و لكن فالواقع هادو اخوان كيتحداو الدولة.
هدا الشي رجع منو معتز مطر فيلم كبير. لعب عليه.
وزير الداخلية عبد الوافي لفتيت كان البارح لمح لهاد الجهة بلا ما يسميها. فقد عبر وزير الداخلية عن الدولة من المسيرات الليلية التي شهدتها بعض المدن السبت الماضي، واللي خرجو فيها أشخاص بطريقة "كتبان منظمة" وكيهللو ويكبرو ضد فيروس كورونا، وضد الاجماع الوطني على ضرورة البقاء ف الديور باش مايتنشرش الفيروس الخطير "كورونا".
لفتيت قال يوم أمس بالبرلمان، ف حق هؤلاء اللي خرجو وسببو هلع وسط المغاربة، "واش اعباد الله نخرجو للزناقي ونديرو عملية تكبير "، مضيفا :"تعيا ما تفكر ماتبقاش تفهم اش تفهم". وتساءل وزير الداخلية :"واش هذا جهل مكنظنش ..". دابا باش تشوف معتز مطر تعرف باللي ماشي عفوي.
التحقيقات ديال النيابة العامة مع للي تشدو واللي غاديين يتشدو غادية تبين شوية من اللي وقع.