علمت "كود" ان لجنة اليقظة اللي دارت ضد "كورونا فيروس" واللي علنات البارح على توجيه دعم للاسر الفقيرة غادية تعمم الدعم حتى على المهاجرين المقيمين فالمغرب واللي من دول افريقيا جنوب الصحراء. واكدت مصادر "كود" ان هناك اتجاه باش يشملهم الدعم لمدة 3 اشهر بحال الاسر المغربية الفقيرة. دابا وفق مصدر "كود" كاين تدارس هاد القضية وكيفاش دار وكاين اللي كيدافع عليها. المدافعين عليها كيشددو باللي هادو جزء من المجتمع تضررو حتى هما من هاد حالة الطوارئ الصحية. دابا شحال غادييين ياخذو وكيفاش غادي يتم هاد الشي واش بتنسيق مع فرع مفوضية اللاجئين بالرباط التابعة للامم المتحدة ولا بطريقة اخرى؟ مصدر "كود" قال باللي دابا كاين دراسة كلشي. حقاش ماشي كلشي لاجىء. مشكلة اخرى فهاد الملف هو هادوك المهاجرين الحراگة فبلادنا. كيفاش غادين يتعاملو معاهم. ما كايناش ارقام دقيقة على شحال من واحد. هادي مشكلة فالمغرب تقريبا كاين 6 الاف واحد عندو اللجوء وشي 3600 طلبوه ومازال ما حصلوش عليه بالاضافة الى وجود مهاجرين عاديين من دول جنوب افريقيا يعني تقدر توصل لاكثر من 100 الف شخص او اكثر بقليل. هادي غادية تخلي المغرب كبير فالعالم وفافريقيا
