حصيلة فيروس كورونا هاد النهار: تسجيل 122 إصابة جديدة وارتفاع عدد الإصابات ل3568.. و109 إصابة فصفوف المخالطين ونسبة الوفيات مستقرة ف 4 فالمية

كشف محمد اليوبي، مدير مديرية الأوبئة والوقاية من الأمراض بوزارة الصحة، على تسجيل 122 إصابة جديدة بفيروس كورونا المستجد، خلال 24 ساعة الأخيرة، ووصل عدد الإصابات فالمجموع ل3568 حالة.
بالنسبة لعدد الوفيات كيقول اليوبي، فندوة التواصل اليوم مع الستة دالعشية، بللي تسجلات 6 وفيات جديدة، ووصل عدد الوفيات فالطوطال ل155 وفاة، واضاف ان النسبة المئوية للوفيات هي 4,3 فالمية، وبالتالي فهي مستقرة.
أما بالنسبة لحالات الشفاء، فتسجلات اليوم 39 حالة شفاء جديدة، ووصل العدد فالمجموع ل456، أي بنسبة مئوية ديال 12,8 فالمية.
بالنسبة لعملية تتبع المخالطين، أسفرت على رصد 109 إصابة من مجموع الإصابات اللي تسجلات اليوم، يعني بنسبة 90 فالمية من الحالات المكتشفة.
اما بالنسبة لسرعة انتشار الفيروس فقد انخفضات عموما، حيت مؤشر الانتشار فبداية ظهورو كان 2,73، لكن دابا نزل المؤشر وبدا يتارجح بين 1,17 و1,19.
كذلك اليوم كاين انخفاظ ملحوظ فالحالات المسجلة فالبؤر، بحيت ماتعداتش 40 حالة اليوم.
وبالنسبة لحالة المصابين، كيقول اليوبي بللي الحالة الصحية ديال 75 فالمية فيهم بدون أعراض او طفيفة، 20 فالمية متوسطة الخطورة، و5 فالمية خطيرة وموجودة فقسم الإنعاش.
بالنسبة للجهات الأكثر إصابة بالفيروس، فجهة كازا سطات مازال كتجي فالمركز الأول، وكتتبعها جهة مراكش آسفي.
وهذا توزيع الاصابات فباقي الجهات: