من تفاهة الزمن.. منيب أمينة عامة حزب يساري كذبات على وئام المحرشي وجابتها فراسها: المحرشي غادي يجرجها فالمحاكم بتهم القذف ونشر الكذوب

نبيلة منيب، الأمينة العامة لحزب "الاشتراكي والموحد"، دارت فضيحة الزمن ودخلات ف تفاهة ملي اتهمت وئام المحرشي، البرلمانية عن الأصالة والمعاصرة، بأنها كتقرا ف مريكان وكتغيب فالبرلمان وبأنها أمية ف السياسة.
هاد الاتهامات تبينات كولها كذوب، كذبها البام رسميا، وكذبها العربي المحرشي الاب ديالها.
منيب هاجمت وئام المحرشي لي طلعات ف اللائحة المحلية من الدائرة ديالها فاش ترشحات ف انتخابات 2016، في حين منيب مقدراتش تفوت العتبة لي يسمح ليها تجيب مقعد برلماني خصوصا وأنها ترشحات ف اللائحة الوطنية "النساء" في ظل أصوات كطالب بإلغائها حيث تعتبر "لائحة الريع" كولشي شنو كيطرا فيها.
منيب طالبت من النيابة العامة تفتح تحقيق مع المستشار البرلماني العربي المحرشي، القيادي ف الاصالة والمعاصرة، وبنتو البرلمانية وئام المحرشي، بخصوص "الفلوس لي خداو من المال العام" بلا "ميحضرو للبرلمان" وفق منيب.
وقالت منيب في شريط فيديو يتم تداوله على الفايسبوك :"بنت المحرشي عندها 21 عام كتقرا ف امريكا، امية ف السياسة و مكاينش ف البرلمان ويتحيدو ليها فلوسها هي وباها".
مصادر "كود" قالت بلي المحرشي كيتهم منيب بنشر "الفايك نيوز" وترويج الاشاعات، وغايمشي للقضاء ضدها.
المحرشي سبقلو قال بلي بنتو كتقرا فالمغرب وعمرها قرات ف مريكان وداكشي لي تقال عليها كذوب وبلي المحاضر ديال الحضور ف البرلمان تؤكد انها ديما كتحضر.
"كود" اتصلت بالعربي المحرشي، القيادي ف الاصالة والمعاصرة"، مجاوبش وخلينا ليه مساج.