علاش رئيس الحكومة كذب. اللا هدر باسم الحكومة

علاش رئيس الحكومة كذاب؟ ها الفيديو ديالو فلقاؤو مع شبيبة حزبو. كيهدر باسم المغرب ملكا وحكومة وشعبا ماشي بصفتو الحزبية باش هدر على التطبيع.
دابا خرج فتصريح كيقول "حگّا راني انا دويت كامين عام لحزب البيجيدي، ماشي كرئيس الحكومة المغربية". دابا هو قال فافتتاح ملتقى شبيبة حزبو حرفيا "موقف المغرب ملكا وحكومة وشعبا بالدفاع عن حقوق الشعب الفلسطيني والمسجد الاقصى ورفض كل عملية تهويد والتفاف على حقوق الفلسطينيين وحقوق المقدسيين وعلى عروبة واسلامية المسجد والقدس الشريف".
واضاف "هاد الحقوق خطوط حمراء بالنسبة للمغرب" وهدر على الامارات باش قال "كل التنازلات التي تتم في هذا المجال مرفوضة"، مضيفا:" نرفض التطبيع مع الكيان الصهيوني، لان التطبيع هو دفع له وتحفيز لانتهاك خقرق الشعب الفلسطيني والالتفاف على تلك الحقوق لي الامة الاسلامية كلها معنية بالدفاع عنها" وباللي المغرب "مازال وفيا لهاد الارث"
تكون عندك الشجاعة وما تكذبش.
الباحث فالعلوم السياسية عبد اللطيف اگنوش كتب فتدوينة ليه "آشنو غادي يدير العثماني مع "كوشنر" للي جاي للمغرب من بعد ما تدخل فيما لا يعنيه وترامى على اختصاصات الماليك في مجال السياسة الخارجية للدولة المغربية ؟!!
واضاف حماس الإسلاموية كاتحيّي "السيد العثماني رئيس الحكومة المغربية" للي انتاقد الاتفاق الإسرائيلي/الإماراتي! وهاد الشي جا على بعد ايام فقط من الزيارة المرتقبة للمغرب ديال "ياريد كوشنر" نسيب ثرومپ والمستشار ديالو!
اكد الباحث "كنت نبّهت هاذ .... ان هاذاك الكلام ماشي مناسب يگولو في هاذ التوقيت، وأن المواقف ديالو من الصراع الفلسطيني الاسرائيلي ماشي هي مواقف الدولة المغربية ولا مواقف الحكومة المغربية ولا مواقف الماليك المغربي ولا مواقف الشعب المغربي...وگلت ليه ان هاذ الكلام راه كايضرب السياسة الخارجية والعلاقات الخارجية ديال دولة المغرب في الصميم، وان هاذ العلاقات الخارجية ماهياش من اختصاصو كرئيس حكومة، بل من اختصاص الماليك دون غيره!
واكد الباحث "إيوا دابا آشنو نديرو مع تصريحات حماس للي مصنفة دوليا كتنظيم إرهابي، و للي كاتطبّل ليك كرئيس حكومة على التهرنيط غير محسوب العواقب ديالك؟! آشنو غادي تدير معا ماريكان للي مسيفطين مبعوث رفيع المستوى للماليك كرئيس دولة؟!
آشنو غادي تگول ليه ايلى تلاقاك ؟! تگول ليه راني دويت كرئيس حزب المداويخ وما بقيتش نعاود؟!!
ثم هاد الشي اللي خرج وكذب فيه راه نشراتو كاع الوكالات العالمية هادي اكثر من 48 ساعة وما تحرك ما وضح ما والو. اش جاه حتى لهاد النهار