واش مرض ولا دار لقوالب. ملك الطاسة المغشوشة دار فيها مصطي ونقلوه من عكاشة لابن رشد

أفادت مصادر "كود" أن إدارة سجن عكاشة بالدار البيضاء أحالت المسمى (ب.س) ملك الخمور المغشوشة والمهربة المتابع في حالة اعتقال رفقة اثنين من شركائه بتهم ثقيلة على جناح الأمراض العصبية والنفسية بالمستشفى الجامعي ابن رشد بالعاصمة الاقتصادية.
وحسب المعطيات التي تتوفر عليها "كود" فإن صاحب مستودعات توزيع الخمور بكل من مدينة خريبكة و واد زم وفاس وبني ملال ومراكش واحد السوالم وعين السبع بالدار البيضاء موضوع التهرب الجمركي وحيازة بضائع ومشروبات فاسدة ومنتهية الصلاحية وبيع الخمور بدون ترخيص تعرض الى نوبة عصبية بالجناح 6 بالسجن المحلي عكاشة بعد أيام قليلة من اعتقاله مما استدعى نقله الى المستشفى الجامعي ابن رشد وكلشي ضرب الطم.
مصدر "كود" قال باللي اللي متابعين معاه فالملف باغيين يديرو بحالو ويبانو باللي مراض باش يخرجو من عكاشة ويمشيو لشي سبيطار.
دابا النيابة العامة خاصها تخضع المعتقلين فهاذ الملف لخبرة طبية قضائية وديك الساعة غادية تعرف لمريض فيهم من اللي كيدير لقوالب. علاش ملك الطاسة ما عمرو وقع ليه انهيار عصبي باش كان معرض حياة لمغاربة وتحايل على اقتصاد بلاد كلها.
السؤال المطروح دابا؛ واش غادي يرجع بارون الخمور المغشوشة لعكاشة أو غادي يبقى فالسبيطار معزز مكرم بحجة أنه مريض او وقع ليه انهيار؟!!!
كلشي بيد القضاء.