السلامي مبرزط بسباب 6 ديال الغيابات من بينهم مولانگو وخريبكة خصص بريم مگمح للعابة ديالو باش يربحو الرجاء

جمال السلامي، مدرب الرجاء البيضاوي تبرزطت بزاف، بعدما تأكد غياب 6 لاعبين أساسيين عن مباراة أولمبيك خريبكة اليوم الأربعاء بملعب الفوسفاط مع السبعة ديال العشية، برسم الدورة 28 من منافسات البطولة.
وحسب مصدر رجاوي، أن الفحوصات الطبية أكدت استحالة المدافع الليبي سند الورفلي وعبد الجليل جبيرة بعدما تضربوا فالماتش ديال نهضة بركان نهار الأحد اللي فات.
وسيغيب كذلك عن ماتش خريبكة كل من عبد الرحيم الشاكر وعمر بوطيب، بداعي الاصاية، كما غادي يكون الرجاء البيضاوي محروما من خدمات الكونغوليين بين مالانغو وفابريس نغوما، اللذين إلتحقا بمعسكر منتخب بلدهما استعدادا لمباراتي بوركينافاصو والمنتخب الوطني.
هاد الغيابات الإدارية دفعات السلامي يستدعي الياس الحداد لملء الخصاص في الدفاع ومحمد ازريدة وفابريس نغاه، كما سيعتمد كذلك على محمد المكعازي وفابريس نگوما وحميد أحداد.
من جهة اخرى، خصص أولمبيك خريبكة بريم مگمح للعابة ديالو باش يربحو الرجاء اليوم وبالتالي الحفاظ على حظوظهم في البقاء بالقسم الاول.
وكشفت مصادر مقربة، أن المنحة الاستثنائية تتراوح ما بين 30 الف درهم و50 ألف درهم لكل لاعب.