ترامب هدر على تزوير وسرقة الاصوات وقنوات قطعات بث كلمتو: هادي حفلة لكذوب

قنوات تلفزيونية مشهورة قطعات بث كلمة دونالد ترامب. ف"إم إس إن بي إس" و"إن بي سي نيوز" و"إي بي سي نيوز" وقنوات ومواقع صحف مشهورة قطعو كلهم كلمة ترامب اللي لقاها البارح الخميس٬ اما "سي ان ان" فبثتها واعتبراتها "سهرة دلكذوب".
القنوات بررو تصرفهم باللي كلمتو كلها "كذوب" باش تكلم على نزاهة الانتخابات وقالت شي قنوات "قطعنا البث المباشر. اعتقدنا انو مؤتمر صحافي٬ لكن تبين ان سهرة لكذوب"
صحافي من السي ان ان غير سالى ترامب كلمتو قال "هادي ليلة حزينة فميريكان... باش تسمع رئيسها كيتاخم الناس زورا بمحاولة سرقة الانتخابات". الرئيس الملياردير كذب وكذب بخصوص تزوير الانتخابات بلا ما يقدم دليل
وكان ترامب اتهم الديموقراطيين بالخداع وبالشفرة. شفرو الانتخابات الرئاسية اللي دازت الثلاث اللي فات. هاد الانتخابات اللي كان مرشح ليها عن الحزب الجمهوري فمواجهة جاو بايدن عن الحزب الديموقراطي مازال ما تحسمات واخا كاين تقدم الديموقراطي.
وقال ترامب فوقت سابق باللي كاين تزوير ""ايلى حسبتو الأصوات غير القانونية، يمكن ليهم تشرفو الانتخابات منا".
بداو شي جمهوريين من معارضي ترامب كيردو على تصريحاتو. ميت رومني، عضو مجلس الشيوخ عن ولاية يوتا والمرشح السابق للرئاسة عام 2012: قال "غادي يتم فرز الأصوات، وايلى كانت مخالفات غادي سيجري التحقيق فيها وراه كاين القضاء".
وأضاف: "كنثيقو بديمقراطيتنا وبدستورنا وبالشعب الأمريكي".