اميناتو حيدار. كيفاش حقوقية تعرات وبانت عالميا ضد الحق فالحياة باش بغات تعدي طيارة بكورونا وبغات تعدي اقاربها وصحابها

الانفصالية اميناتو حيدار حصلات حصلة كبيرة البارح فمطار الحسن الاول بالعيون. البارح السلطات الصحية قررات ان المسافرة اميناتو حيدار فيها "كورونا" وما يمكنش تسافر من العيون للاس بالماس. عوض السيدة ما تدخل سوق راسها وترجع ناضت كتسب فالمغرب وتكذب وتقول باللي منعها من السفر.
باش تخرج من المطار وترجع لدارها ناضت كتسب.
اميناتو دارت خطأ كبير بزاف غادي يشوهها عالميا. كيفاش حقوقية ما خلات فين مشات ولات ضد حقوق الانسان. ضد الحق فالصحة. ضد الحق فالحياة. وحدة فيها فيروس وعندها ناسها وعائلتها فنفس الطيارة ومعاها مواطنين كثار فهاد الطيارة وكاين احتمال كبير تنقل ليهم الڤيروس اللي بان فيها باش دارت التيست "بي سي ار" نهار 12 نونبر 2020 ومع ذلك كضارب باش تطلع
هنا بين على جزء من شخصية اميناتو. ماشي غير نظرتها الانتقائية لحقوق الانسان٬ بل حتى غرورها. هي المركز وكلشي ما يستاحقو حتى الحق فالصحة كجزء من حقوق الانسان. الانتقائية بانت باش ولاد عمها تعرضو للضرب للسجن فالبوليساريو باشراف القيادة الحالية ولحد الان ما عمرها ولا مرة ناضت ودانت هاد التصرف
الغرور كيبان باش تعتاقد انها هي اللي كاينة فالصحرا.
من حقها دافع على افكارها. هادي تحسب للمغرب. وحدة فمطار الحسن الاول وتصف المغرب بالمستعمر وتقول انها مع استقلال الصحراء. هادي راها هي حقوق الانسان. عندها الحق فالتعبير وما ضربها حد ما تعدى عليها حد. شفنا ان فالمخيمات والجزائر اللي غير حل فمو يغبر. هي براسها ما عمرها دانت خروقات كثيرة ترتكب كل نهار فالرابوني.
دابا نشوفو المنظمات الدولية اش غاديين يقولو علي من يطلقون عليها "غاندي الصحراء". لحد الان الاعلام الاسباني ضرب الطم وسكت. هنا خاص المغرب يشوهها. هادي هي رصاصة الرحمة عليها. كادو. غرورها فين كيوصل