سيتم حجب هذه الصورة تلقائيا عندما يتم الإبلاغ عنها من طرف عدة أشخاص.
الفوسفاط المغربي مقلق لوبي اقتصادي كبير فمريكان.. وزارة التجارة الأمريكية فرضات رسوم استثنائية واخا الفوسفاط ديالنا نافع الفلاحيين تما.. ورغم ذلك باقي صامد وغالبا غادي استأنف القرار
ضربة جديدة تلقاتها مصالح المغرب الخارجية، بحيث إن وزارة التجارة الأمريكية، كشفت اليوم الثلاثاء ، بلي غادي تفرض رسوم أولية على واردات الأسمدة الفوسفاتية من روسيا والمغرب، بعدما بدات السلطات الامريكية المكلفة بالتجارة فواحد التحقيق حول مبيعات الاسمدة ديال الأو سي بي تما لي وصلات لحوالي 727 مليون دولار العام لي فات. وحسب ما نشرته وسائل اعلامية دولية، فإن وزارة التجارة الخارجية حدد الرسوم الأولية في بنسبة 23.46٪ على الواردات من مجموعة OCP المغربية والمنتجين الآخرين في البلاد. يأتي القرار بعد تحقيق بدأ في يوليو بشأن شكايات قدمتها شركة موزاييك للأسمدة ومقرها الولاياتالمتحدة، ضد الOCP. يشار أن السلطات الامريكية المكلفة بالتجارة فواحد التحقيق حول مبيعات الاسمدة ديال الأو سي بي تما لي وصلات لحوالي 727 مليون دولار العام لي فات، حسب ما قالت وكالة رويترز. والهدف ديال هاد التحقيق هو فرض رسوم جمركية استثنائية تسمى ب countervailing duty ولي كاتجي كعقوبة الا كانت ديك الاسمدة مدعمة من طرف الدولة. وهادشي لي تحقق دبا OCP غادي يستأنف غالبا، لأن مصالح ضربات فهاد القضية. خصوصا وأن الفلاحيين الأمريكيين كيشريو بزاف الاسمدة لي كينتج OCP. وهاد التحقيق موراه واحد الشركة امريكية من عمالقة صناعة الاسمدة في العالم اسمها موزاييك طحناتها أو سي بي "ocp " في عقر دارها في ميريكان وحتا فاسيا وافريقيا. والسؤال دبا هو الى فرضو هاد العقوبة على الاو سي بي واش يقدر يوقف كاع الصادرات ديال الاسمدة لميريكان ويبيعهوم فبلايص خرين ،حسب ما قاله مصدر لرويترز مؤكدا على ان او سي بي ما كايتلقا حتا دعم من عند الدولة. OCP دارت مداخيل ديال 5,4 مليار دولار العام لي فات منها 727 مليون جات من مبيعات الميريكان يعني ماشي بزاف كاع . ولي غادي اقدر اتضرر هو الفلاح الامريكي لي مولف اثمنة مناسبة ديال او سي بي.
