حقارة المخابرات الجزائرية. دارت صورة الباحث المعروف محمد الشرقاوي اللي ممنوع يدخل لبلادهم فمقال ما عندو علاقة بيه على الصحرا فموقع البوليساريو

المخابرات الجزائرية دارت عملية حقيرة باش تورط الباحث السوسيولوجي المعروف محمد الشرقاوي. نشرات مقال فموقع البوليساريو النسخة الفرنسية باسم "محمد الشرقاوي". اللي كاتب المقال شي واحد عندو نفس الاسم وقال باللي "اعتراف ترامب بخصوص الصحراء الغربية قرار ما عندو حتى قيمة قانونية" ولكن دارو صورة الباحث المغربي المعروف.
طبعا باش حطو هاد الصورة عارفين علاش. اولا المخابرات الجزائرية هي اللي ورا نشرها فوكالة البوليساريو وهادي راها كتكره الباحث المعروف وممنوع يدخل لبلادها وثانيا داروها باش يغلطو الرأي العام.
الشرقاوي واحد من اكبر المدافعين على مغربية الصحراء بالعلم بعلم الاجتماع. كتبو لكثيرة بالانجليزية والفرنسية والاسبانية شاهدة على هاد الدفاع.
هادو اللي ضربهم الله لا البوليساريو ولا الجزائر ولاو كيكذبو وكيسوقو الفايك نيوز. هاد الشي بين افلاسهم