علا سلامتنا.. الإبراهيمي عضو اللجنة العلمية: الطفرة لي وقعات ف فيروس كورونا ف بريطانيا معندهاش تأثير على اللقاحات...ولكن الفيروس غايولي أكثر شراسة وسرعة الانتشار غاتزاد

كشف البروفيسور، عز الدين الابراهيمي، عضو اللجنة الوطنية العلمية حول "كوفيد 19′′، أن الطفره لي بانت على فيروس كورونا ولي علنات عليها بريطانيا اليوم، معندهاش تأثير على اللقاح اللي غايدار ضد الفيروس.
وقال الابراهيمي، لي هو مدير مختبر البيوتكنولوجيا بكلية الطب بجامعة محمد الخامس بالرباط، اليوم ف ندوة علمية، بلي :"السلسله الوراثية للفيروس لم تتغير لحد الان".
وأوضح الخبير المغربي أن :"لي تغير هو أن الفيروس اصبح اكثر شراسة و انتشارا".
بمعنى الجينوم مامقيوسش، ولكن كاينا طفرة داخل حمض اميني يولي فيروس اسرع انتشارا. واللقاحات فعالة مغاديش تأثر عليها هاد الفطرة ولا طفرات أخرى يقدر يجيو القدام.
وأكدت منظمة الصحة العالمية اليوم ظهور السلالة الجديدة من كورونا في الدانمارك وهولندا وأستراليا، بحيث أن وزير الصحة البريطاني كشف بأن هذه السلالة خرجت عن السيطرة.
هاد السلالة حسب معطيات "كود" لي غادي يكشفها هي لجنة المختبرات التابعة لوزارة الصحة، حتى أن مديرية الأوبئة مفراسهاش ومعارفش واش فعلا هاد لجنة المختبرات دارت شي أبحاث علمية أو لا.
مصدر "كود" استغرب التواصل السيء للوزارة. ايت طالب كذب فالبرلمان فاش قاليهم كنتواصل، في حين ان المسؤولين الكبار فالوزارة مكيقدروش يهضرو مع الاعلام بلا اذن موظف صغير فالوزارة ولي هو الخداري المكلف بالتواصل.
حشومة وعيب يتمنعو أطر الوزارة من التواصل بسبب طريقة باش كيخدم وزير فشل ف تدبير القطاع.