حصيلة كورونا اليوم: 2160 مغربي تصابو و42 ماتو و1854 تشافاو.. وتدارت 17466 تحليلة ومؤشر الإصابة نقص فالاقاليم

علنات وزارة الصحة على إصابة 2160 واحد بفيروس كورونا المستجد، ووصل عدد المصابين فالمجموع ل435189، ووصل مؤشر الإصابة التراكمي ل1198,4 لكل 100 ألف نسمة، بمعدل 5,9 لكل 100 ألف نسمة فهذ 24 ساعة.
وحسب نشرة كوفيد 19 اليومية، اليوم الثلاثاء، ماتو 42، وبلغ الإجمالي 7314، بنسبة فتك ديال 1,7 فالمية.
وتشافاو اليوم 1854، ووصل الإجمالي ل401429، بنسبة تعافي د92,2 فالمية.
وتحددو عدد الحالات النشيطة ف26446، وعدد الحالات الحرجة وصل ل1159 حالة، معمرة أسرة الإنعاش ب37,3 فالمية.
ومن الحالات الحرجة، 186 تدهورات حالتهم غير هذ النهار، و101 حالة تحت التنفس الاصطناعي الاختراقي.
واليوم كاين ارتفاع شوية فالتحاليل مقارنة مع قبل، بحيث تدارت 17466 تحليلة، خرجات منها 15306 سلبية.
وكتتوزع الإصابات والوفيات الجديدة على الجهات والأقاليم كما يلي:
وهذا المنحنى الوبائي اليومي:
وهذا مؤشر الإصابة الأسبوعي لكل 100 الف مسمة حسب الأقاليم، فالأسبوع ما بين 21 حتى ل27 دجنبر، وهذ الخريطة كتبين انتشار المناطق الخضراء اللي فيها الإصابات اقل من 20 لكل 100 ألف نسمة، مقابل تقلص المناطق اللي فيها الإصابات أكثر من 50 لكل 100 الف نسمة: