واخا وافق عليه رسميا. المغرب ما يقدر يبدا يلقح الناس بفاكسان "أسترازينيكا" حتى تبدا الحملة فالهند.. وها علاش

لقاح "أسترازينيكا" البريطاني اللي معتمد المغرب ضد "كوفيد 19" قريب يدخل للبلاد ابتداء من السيمانة الجاية.
وحسب مصدر موثوق ل"ميديا 24″، فمايمكنش يتم اعتماد اللقاح حتى توافق الشركة الهندية "Serum Institue" المكلفة بتصديرو، ومايمكنش توافق حتى تبدا حملة التلقيح فالهند، واخا المغرب وافق عليه من نهار الأربعاء 6 يناير.
وزاد المصدر نفسو أنه من الطبيعي تسليم بلدان العالم اللقاحات، بحال "سينوفارم" الشينوي و"أسترازينيكا" البريطاني، حتى تبدا حملة التطعيم فالبلدان المعنية بتصديرها وتوزيعها، وإلا فالرأي العام ماغايفهمش علاش سبقو عليهم دول خرى.
والحملة ديال التلقيح غتبدا فالهند ف12 يناير، من بعد ما تم الموافقة عليه ف3 يناير.
https://www.medias24.com/vaccin-astrazeneca-le-maroc-pourra-recevoir-les-premieres-doses-au-dela-du-12-janvier-15600.html