شوفو اللي كتحكمهم مافيا الجيش فين تلات بيهم. خاص المغرب يعاون الجزائر ويرسل ليها شي 10 الاف ڤاكسان. واش دايرين حالة ب50 الف جاتهم من روسيا ورئيسهم كيقول للتوانسة نقسمو معاكم

الشعب الجزائري يستحق حكام احسن. هادوك الجينرالات اللي حاكمينو خاصهم يتنحاو ولا الشعب ينحيهم. البارح دارو هايلالا على قاليك بدء التلقيح ضد كورونا. بداوه من ولاية لبليدة جنوب الجزائر. وهاد الشي حقاش الرواسا رسلو ليهم 50 الف ڤاكسان. فقط لا غير. هادا قالها الناطق الرسمي للجنة رصد ومتابعة فيروس كورونا في الجزائر جمال فورار. بلسانو قال للصحافة"استلمنا 50 ألف جرعة من اللقاح المضاد لفيروس كورونا".
هاد الشي ونايضين كيقولو راه غاديين نقسمو مع التوانسة وباللي هادك الغبي التونسي قيس سعيد اتصل بطبون الرئيس الجزائري اللي اصلا مريض ووعدو يقسم معاه اللقاحات. اش غادي يقسم. 50 الف وحشومة بلاد كتقول على راسها غنية وعندها حضور دولي ما قدراتش تجيب لقاحات كثار ومشات عند الرواسة.
دابا خاص المغرب يعاون الشعب الجزائري. يعطيهم شي بركة. للشعب فقط. يقدرو يجيو يديروه هنا فالمغرب. يدعم هاد الشعب اللي كيعاني من عسكر شفار