سوق الأسطوانات.. أول نشاط فني فسينما "لاغونيسونس" بعد عامين ديال السدان.. والمسؤولة عليه ل"كود": عامين دازت صعيبة ودبا فتحنا المجال للابداع.. وفنان ل"كود": الناس عطشانة – تصاور وفيديوهات

البارح تنظم أول نشاط فني فسينما "La Renaissance لاغونيسونس" فالرباط، بعد عامين من الاغلاق، شاركو فنانين شباب وشابات، فحفل سوق الاسطوانات.
الهام تاريكو مسؤولة التواصل فمؤسسة هبة واللي مسؤولة على النشاط قالت "كود": سوق الاسطوانات اول نشاط درناه بعد قرار الحكومة بفتح المسارح وقاعات السينما..وفتحنا المجال للفنانين وصحاب الديدجي يبرزو ابداعاتهم".
https://web.facebook.com/1292968250744243/videos/173665031294280
وأضافت تاريكو ل"كود" :هادي عامين متلاقيناش، عامين دازت قاسية علينا". مشيرة إلى ان النشاط اللي تنظم اليوم هو نعاود نتلاقاو ونشجعو المواهب.
محمد محمد رشدي أحد الفنانين المشاركين قال ل"كود" هاد النشاط كان فرصة لينا كفنانين نبيع المنتوج ديالو، وحنا تفاجئنا حيث ناس قبلات على هادشي ".
https://web.facebook.com/1292968250744243/videos/314825856893942
وأضاف رشدي في تصريح ل"كود" :"بعد السدان ناس عطشانين وجاو للنشاط وهادشي داز زوين".