حصيلة كورونا اليوم: 163 ألف خداو الجرعة الثانية من الفاكسان و500 تصابو بالفيروس

فالحصيلة اليومية لفيروس كورونا المستجد اللي علنات عليها وزارة الصحة اليوم الأربعاء 16 يونيو، ففهذ 24 ساعة الأخيرة تقاسو 500، وماتو 4، وفالمجموع 3657 اللي كيتعالجو، وكثر من 163 ألف خداو الجرعة الثانية.
التلقيح:
اليوم تلقحو 3948 بالجرعة اللولة، ووصل عدد الملقحين بيها ل9369489، بينما 163548 اللي خداو الثانية، ووصلو هكذا فالمجموع ل7520331.
الإصابات:
تقاسو اليوم 500 واحد من أصل 14646 واحد دار التحليلة، ووصل عدد المصابين فالمجموع ل524975.
ومؤشر الإصابة التراكمي وصل ل1442,9 لكل 100 ألف نسمة، بمعدل 1,4 لكل 100 ألف نسمة فهذ 24 ساعة.
حالات الشفاء:
تشافاو اليوم 303، ووصل الإجمالي ل512097، بنسبة تعافي ديال 97,5 فالمية.
الوفيات:
واليوم ماتو 4، واحد فكل من تارودانت والعرايش ومكناس والعيون، ووصل هكذا عدد الوفيات ل9221، بنسبة إماتة ديال 1,8 فالمية.
الحالات النشيطة والحرجة:
عدد الحالات النشيطة طلع ل3657، وعدد الحالات الحرجة ل192 حالة، 20 تدهورات غير اليوم، و4 تحت التنفس الاختراقي، أما نسبة ملء أسرة الإنعاش بلغات ل6,1 فالمية.