الترخيص بقتل حيوان منوض الصداع ف بريطانيا وانتقادات كبيرة ضد جونسون – فيديوهات

بزاف الناس كاعيين على رئيس الوزراء البريطاني، بوريس جونسون، بعدما عطات الحكومة ديالو الأمر لقتل حيوان ألپاكة (Alpaca/Alpaga) من فصيلة الجمال حيت فيه مرض السل البقري (La tuberculose bovine) وكايسبب "خطر على المحيط ديالو".
مولاتو "هيلين ماكدونالد"، بعدما خسرات إمكانية توقيف قرار "إعدام" الحيوان بقرار من المحكمة، راسلات جونسون ومراتو كاريل، باش يحنو ويخليو الحيوان اللي عندو 8 سنين يعيش وهادشي لالي عبرو عليه بزاف ديال المشاهير العالميين.
وفي الوقت اللي بقاو الوزراء مصممين على قتل الحيوان، ناشد ستانلي، والد جونسون اللي عندو 80 عاما، السلطات باش مايقتلوهش ويخليوه يعيش بسلام ف الفيرمة ديال مولاتو في مقاطعة كَلوسترشير الإنكَليزية.
وكان هاد الحيوان، اللي سميتو "جورونيمو" (Geronimo)، تكتاشف أنه مصاب ب"السل" جوج مرات منذ 2017 فاش يلاه جابوه من نيوزيلندا، ومن هداك التاريخ وهو عايش فنوع من العزل وكايتسنا المصير ديالو.