شباط مزال كينوعر.. عندو ناسو ف عدد من اللوائح بإسم "الميزان" ف جهة فاس وقيادة حزب الاستقلال ف دار غفلون

حميد شباط الأمين العام السابق لحزب الاستقلال والعمدة السابق لمدينة فاس مزال كينوعر وخدام ليل و نهار باش يفشل حزب الاستقلال.
شباط حسب مصادر موثوقة ل"كَود" هادي أيام وهو كينسق مع عدد من المقربين منو باش يدكَدكَ "الميزان" في الانتخابات المقبلة.
وقالت المصادر ل"كَود" أن شباط عقد خلال الأيام القليلة الماضية لقاءات وصفته ب"السرية" بعدد من الوجوه التي حصلت على التزكية باسم "الاستقلال"، وذلك بهدف التنسيق معها للإطاحة بحزب الاستقلال وإضعافه وقيادته الجهوية.
وذكرت ذات المصادر أن شباط شوهد مع وكيل لائحة إحدى المقاطعات الانتخابات بالعاصمة العلمية، بالإضافة إلى وكيل لائحة إحدى الدوائر الانتخابية بإقليم تاونات، ومع أسماء أخرى خدامة غير من تحت الدف وماعارفها حد، مؤكدة أن شباط باغي يطيح "الاستقلال" بالأساليب ديالو المعروفة.
حميد شباط تمكن باش ينسق مع ناس داخل "الاستقلال" ومنهم مرشحين بإسم "الميزان" في حين تضل قيادة هاد الحزب في "دار غفلون"، حسب المصادر نفسها، وهي اللي عطات التزكيات ل"صحاب شباط"، ويقدر هادشي تخلص عليه القيادة المذكورة كاش فالانتخابات الجاية على مستوى جهة فاس.