انتخابات 2021. رئيسة برلمان "البام" المنصوري ل"گود": كاينا منافسة كبيرة وشرسة مع الأحرار.. ومتفائلة بأن البام يجي اللول

قالت فاطمة الزهراء المنصوري، رئيسة المجلس الوطني لحزب الأصالة والمعاصرة، في اتصال مع "گود"، إنها متفائلة بأت البام غايجي اللرل فهاد الانتخابات، مضيفة :"كاين تفاعل مهم مع الساكنة، وناس كتقول هاد الحزب عمرو مكانش الحكومة وخصو فرصة".
وأضافت المنصوري، التي توصف بضمير البام، ل"گود"، أن "هذا وقت التجديد واعطاء الفرصة للبام"، مشددة أن هناك منافسة شرسة وقوية مع حزب التجمع الوطني للأحرار في اغلب الدوائر الانتخابية.
المنصوري، وكيلة البام للانتخابات التشريعية والجماعية بمدينة مراكش، أكدت ل"گود" أنها اليوم فهاد المدينة كادير اجتماعات مكثفة الى جانب اعضاء حزبها، لتوعية المواطنين على كيفية التصويت والقواعد والمساطر للي خصها تحترم اثناء ولوج مراكز الاقتراع.
واوضحت المتحدثة، أنه كيتم التنسيق مع امينها العام عبد اللطيف وهبي، من اجل وضع اخر الترتيبات والاستعداد لتلقي النتائج يوم غد الاربعاء 8 شتنبر الجاري. مشيرة بلي كاين اشتغال كبير من طرف المترشحين والمترشحات بكل عزم باش يحققو نتائج ايجابية.
المنصوري، اللي دارت حملة نقية ونزلت للتيران وهضرات مع الساكنة المراكشية، قالت ل"گود" :"لقيت تجاوب كبير من عند الساكنة خصوصا الشباب اللي باغين فرص جديدة واللي دازو من معاناة صعيبة فهاد الجايحة وباغين تجديد فالحكومة وفالمؤسسات المنتخبة".
وبخصوص التحالفات المقبلة للبام بعد اقتراع 8 شتنبر ، قالت المنصوري :" هذا قرار كيرجع لمؤسسات الحزب، خصوصا المجلس الوطني "، مضيفا :"الامين العام سبق قال بلي مكاينش خطوط حمراء ومنفتحين على جميع الاحزاب ".