أغلالو عمدة الرباط فحوار مع "كود": لقيت كوارث وارث ثقيل من العمدة السابق الصديقي وعجز ب21 مليار.. وكاينا ممتلكات الجماعة كاتكرا ب50 درهم فالشهر وهادشي ميمكنش يبقا – فيديو

قالت اسماء اغلالو، أول امرأة تتقلد منصب عمدة الرباط، إن المجلس السابق برئاسة محمد الصديقي ترك ارثا ثقيلا وأزمة مالية صعبة، حيث قدرت العجز المالي للمجلس ب21 مليار سنتيم.
وأضافت اغلالو :"لقينا ارث ثقيل للاسف جدا وسوء تدبير من طرف العمدة السابق. لقينا عجز مالي يقدر ب21. مليار سنتيم . مصالح واقفة، مصالح المواطنين معطلة. اذن خاص مجهودات اكثر، الوضعية مزرية. لذلك يوميا كنديرو اجتماعات باش نداركو هادشي".
وأوضحت اغلالو، في حوار خاص مع "گود"، :"هاد 4 ايام كنجي المكتب، كل نهار كنلقا كارثة من الكوارث، ميمكنش نخليو هادشي وغادي نخدمو بكل قوة ويكون حسن تسيير وتجويد مصالح المواطنين لانهم هوما لي صوتو علينا ونشتغلو من اجل الحفاظ على جمالية الرباط وكل ما جاء في مشروع الرباط مدينة الانوار. وايجاد فرص الشعل".
وتابعت :"مثلا استخلاص رسوم الجماعة، كاين قسم مهم هو اللي خص يهبط ويخدم ويجمع الرسوم، وهادشي مدارش للاسف. كنفوتو مبالغ كبيرة على كجلسة الجماعة".
وأضافت العمدة :"جرد الممتلكات على سبيل المثال فيها فوضى، مثلا كاينا ممتلكات مكرية ب50 درهم للشهر كثر من 40 سنة وهادشي خاص يتعاود"، مردفة :"لقيت ثلاثة محامين شادين النزاعات كان عليهم يشوفو هادشي ويراجعو الانفاقيات وتفويت الممتلكات".
اغلالو عايناتها "گود" من اجتماع لاجتماع وتدقيق جميع الملفات والجلوس مع الاقسام والمصالح، التدقيق والتزيار والخدمة. مرا كادا.
تابعو تفاصيل مهمة فالفيديو من الحوار مع اغلالو: