مرا گادة. اغلالو عمدة الرباط بدات خدمتها النهار اللول.. وفحوار مع "گود": بدينا اتصالات باش نقادو المنطقة الصناعية فاليوسفية ونطوروها لتوفير فرص الشغل وهاكيفاش غانمولو المشاريع

قالت اسماء اغلالو، أول امرأة تتقلد منصب عمدة الرباط، :"في يوم انتخابي حسيت بمسؤولية ثقيلة على عاتقي، غاندير كل ما في جهدي نكونو في حسن انتظارات المواطنين"، مضيفة :"تم تسليم السلط في نفس يوم انتخابي، ودرنا فنفس النهار اول اجتماعي، ثم ثاني اجتماع يوم الاثنين، والاجتماع الثالث اليوم. وحددنا موعد دورة استثنائية باش نمرو النظام الداخلي".
"گود" كانت في قلب مجلس المدينة، وشافت كيفاش العمدة الجديدة كيفاش كتخدم، سرعة وعمل وجدية، مكاينش وقت، ممسالياش بعبارة اخرى، خدينا شويا من وقتها. لقيناها من اجتماع وكتراجع وثائق ومالية الجماعة.
العمدة قالت فحوار مع "گود" :"لقينا نقص في الموارد البشرية، وحتى لي لقيناهم عندهم احباط ومكاينش تحفيزات" مضيفة :"اشتغالنا خاص يكون كذلك على مستوى توفير التجهيزات واللوجستيك وموارد بشرية محفزة وكفاءات والتكوين".
واوضحت العمدة اغلالو :"لاحظنا بلي خاص ضروري التكوين بالنسبة للمصالح لي عندها علاقة مع المواطنين".
وتابعت :"لحد الان ملي جيت للمسؤولية، اجمل مشروع يثلج القلب، هو المشروع الملكي الرباط مدينة الانوار، للي ساهم في توفير مساحات خضراء وتوفير انارة جيدة والمسرح الكبير وملاعب القرب وغير من البرامج التنموية"، مشددة:"هاد البرامج خصهم يبقاو وباش يستمرو خصنا تمويل، وهادشي لي خدمو علينا".
وأضافت اغلالو :"جبنا عدد من الافكار في حزب التجمع الوطني للاحرار، وحنا فالمكتب غانتشاورو وغانطرحو الافكار ونشوفو تجاوب الاعضاء ومقترحاتهم. لأن الهدف هو نرفعو من الموارد المالية، من اجل الحفاظ على مكتسبات مدينة الانوار وخلق فائض وتنمية الرباط":
وبخصوص كيفاش غادي يمولو المشاريع واخا كاين عجز مالي، قالت اغلالو :"من المقترحات اللي خدامين عليها، خلق شركات التنمية المحلية من اجل تسير عدد من المشاريع، مثلا فحال ديال المحطة الطرقية الجديدة بالرباط لي باقا مزال مخدامش خاص نخرجو هاد المشروع عبر تفعيل شركة تنمية ونعينو فيه مدير عام وتسير المحطة وتخلق فرص عمل".
واضافت اغلالو:"شركة تنمية محلية غاتساهم في توفير فرص الشعل، وحنا غاندفعو باي استثمار غايوفر فرص شغل".
وزادت :"كذلك من المقترحات شراكة بين قطاع عام وقطاع خاص. واللي هي مسألة جد مهمة. وكذلك استخلاص رسوم الجماعة، للاسف القسم اللي مكلف بهادشي لقيناه واقف مخدامش، هنا المجلس السابق ضيع موارد مالية مهمة للجماعة".
وقالت اغلالو :"البارح كانت عندنا اتصالات باش نشوفو المنطقة الصناعية باليوسفية علاش راكدة، شنو الامكانيات اللي ممكن نخرجو لأرض الوجود ونخلقو فرص عمل وهادي من التزاماتي الاولي"..
وعن النساء الرباطيات، اوضحت اغلالو:"خصنا نحافظو على كرامتهم ونجودو ليهم الخدمات في مجلس المدينة ونوفرو فرص العمل"، مضيفة ؛"باش نرجعو الكرامة للنساء فوضعية هشاشة ماشي تعطي القفة وتعاون شهريا، بل احسن طريقة هو توجد ليها عمل شريف وتاخد اجر بكل كرامة".
تفاصيل اضافية في فيديو الحوار اسفله: