واش اللي عندهم حالة التنافي كيتقبل تصويتهم على انتخاب رئيس مجلس النواب. كيفاش الاحرار خبرو ناسهم وكيفاش الاستقلالي السنتيتي يقدر يخربق كلشي

البارح تم انتخاب رئيسي مجلسي: النواب التجمعي رشيد الطالبي العلمي والمستشارين الاستقلالي النعم ميارة. قبل التصويت علمت "كود" ان الاحرار رسلو رسالة لنوابهم مفادها: اللي عندو حالة التنافي ما يجيش يصوت. التجمعيون حتارمو هاد الشي. لكن اللي وقع ان بعض النواب صوتو وعندهم حالة التنافي بحال الاستقلالي السنتيسي اللي هو عمدة مدينة سلا وبرلماني.
دابا الاشكال غادي يتطرح ايلى كان شي طعن فالمحكمة الدستورية. حقاش السنتيسي باش ولى برلماني ثاني اكبر مدينة فالمغرب من حيث السكان اللي هي سلا٬ ما بقاتش عندو العضوية فمجلس النواب.
هذا نقاش دستوري كانو فيه الاحرار اذكياء وسدو هاد الباب اللي يجي منو الريح.
وفي علاقة بالموضوع علمت "كود" ان مكتب مجلس النواب اللي غادي يتم انتخابو اليوم٬ غادي يراسل غدا فالصباح المحكمة الدستورية كيطلب منها تبث بشكل مستعجل فحالات التنافي اللي عندهم فمجلس النواب. طبعا المحكمة غادية تعلن ان مقعد المعنيين بالامر شاغر وعليه غادي =او غادية= يطلع =تطلع الثاني فاللائحة بشكل مباشر وتاخد عضوية مجلس النواب.