واش وهبي غادي يدير ليه ما دار لبلفقيه. لملايري دعين الشق البامي عبد الحق شفيق ضد حزبو. دار تحالف مع البي جي دي والاستقلال ضد "حليفو" التجمعي بنكيران

تحالف غريب واخا الرهان ماشي كبير ولكن غريب وبزاف. بيان مشترك وقعو كل من عبد الحق شفيق٬ لملايري وبرلماني البام فعين الشق فكازا مع العدالة والتنمية والاستقلال. هاد البيان فيه باللي تم الاتفاق على تشكيل تحالف بين هذه الاحزاب باش يديرو مكتب تسيير مجلس مقاطعة عين الشق سيدي معروف.
علاش غريب؟ حقاش الاستقلال والبام والاحرار من خلال مسؤوليهم الجهويين ماشي وكلاء اللوائح٬ وقعو بيان فيه كل واحد اش غادي ياخد. فهاد الاتفاق الجهوي كان خاص شفيق بنكيران عن التجمع الوطني للاحرار ياخد رئاسة هاد المقاطعة.
دابا هاد النهار امين عام البام رسل لوزير الداخلية كيطلب سحب تزكيتو لعبد الوهاب بلفقيه من التسابق على رئاسة جهة واد نون كلميم٬ حقاش ما بقاش ينساحب ويدعم التجعية مباركة بوعيدة. واش غادي يديرها مع هاد لملايري مول عدد كبير من الكونگارات فهاد الجهة من كازا.
طبعا ايلي داز هاد التحالف غادي يريب تحالفات البام الثلاثية.