شوفو فعايل ايت الطالب.. رجع للحرب ضد اليوبي وكيوجد يعفيه وها شكون وظف فهاد الحرب

الأطر ديال بصح فوزارة الصحة منهم خبراء ودكاترة وأطر إدارية، كاعيا على عودة ايت الطالب لمنصب وزير الصحة، هادشي عارفو الصغير والكبير، ناس مبغاوهش، كيشوفوه وزير متسلط مكيعرفش يتواصل وكينتقم وداير حروب كثيرة.
وحسب معلومات "كود" فإن أحد الضحايا لهاد الحرب، هو محمد اليوبي، مدير مديرية الأوبئة ومحاربة الأمراض، بحيث يرفض مديرية المعهد الوطني للصحة (رئيس مصلحة) التابع لقسم الأمراض المتنقلة داخل مديرية الأوبئة، التعامل مع اليوبي والتنسيق معه فيما يخص تدبير المعهد.
وأوضحت مصادر "كود" أن مدير المعهد الوطني للصحة اللي هو بمثابة رئيسة مصلحة تابع لرئيس قسم اللي تابع بدورو لليوبي، (هاد المدير ديال المعهد) داير حرب ضد اليوبي، مكيبغيش يسمع ليه وكيرفض ينسق معهه، حيث عندو علاقة مع ايت الطالب.
طبعا من الناس لي فرحانين بعودة ايت الطالب، هو مدير المعهد الوطني للصحة المحسوب على البي جي دي، اللي استفد من سيارة من نوع طوكسون بطريقة غير قانونية، لأن الصفة ديال لا تتجاوز رئيس مصلحة.
وحسب مصادر "كود" فإن اليوبي كان باغي يدير PCR للموظفين ديال مديرية الأوبئة عند المعهد الوطني للصحة، رد عليه مدير هاد المعهد بلي خاص يصيفط ليه طلب عاد يرد عليها، دبا هادي من الغرائب، رئيس مصلحة كيعطي أوامر إدارية للمدير ديالو. هادشي قلق أطر المديرية واعتبرو هادي اهانة ليهم، كيفاش واحد رئيس مصلحة باغي يرد المعهد ديالو ويدير فيه ما بغا، غير حيث عندو علاقة مزيانة مع الوزير.
الغريب ف الأمر، أن بعض المقربين من ايت الطالب، كيروجو بلي كاينا لائحة اعفاءات جديدة، من ضمنها اليوبي. واش لهاد الدرجة وصل الانتقام من الأطر؟.