[email protected] قالت تقارير اخبارية، أن الدانمارك رفضات طلب اللجوء اللي تقدم بيه ناشط مغربي سميتو "كرابمان" معروف بالانتقادات ديالو للسلطات المغربية من خلال قناتو على اليوتوب وحسابو الفايسبوكي، كما أبلغته السلطات الإدارية الدانماركية بقرب تفعيل اجراءات طرده الفوري. هاذ اليوتوبير عندو 35 عام، ومشا للدانمارك ف 2010 وتماك كيقدم راسو فنان ومبرمج ومؤسس حركة نضالية فيها مغاربة مقيمين ف الخارج ومتابعو أكثر من 120 ألف شخص ف الفايسبوك و30 ألف مشترك ف القناة ديالو ف اليوتوب اللي حلها ف 2019. هاذ "كرابمان" كان ديما كيتكلم على تلقيه تهديدات من السلطات المغربية وأشار في طلب لجوئه إلى تعرضه للتهديد من قبل نشطاء افتراضيين مغاربة وكيتعرض للتشهير دائما من طرف إعلامي خدام مع الخارجية المغربية وسميتو "هاني أبو زيد". رغم جميع المعطيات للي ذكرها ف طلب اللجوء ديالو، رفضات سلطات الهجرة الدنماركية طلب اللجوء اللي قدمو قبل شهرين، مشيرة إلى أنه غادر المغرب دون صعوبة وأن الأنشطة ديالو على الشبكات الاجتماعية مغاديش يدخل على قبلها للحبس اذا رجع للمغرب. اليوتوبر علق على قرار السلطات الدانماركية بقوله : "كنحس براسي معزول، أنا مندمج مزيان في المجتمع الدنماركي وعندي إيمان بالقيم ديالو، أنا ماشي مسلم وما عندي حتى قيم مشتركة مع الدولة المغربية". https://www.noticiasdealava.eus/actualidad/union-europea/2022/02/06/dinamarca-debate-expulsion-activista-marroqui/1161349.html
