الطاكسيات الحومر ففاس صبحو دايرين إضراب بسباب ارتفاع ثمن الكَازوال وكيوقفو صحابهم اللي مادايرينوش

سائقو الطاكسيات الصغار ففاس صبحو دايرين إضراب شامل. هادشي بدا منتصف ليلة أمس الأحد. اتحاد يطلق على نفسه "نقابي وجمعوي" للمهنيين فهاد القطاع بدا ترتريباتو أمس لهاد الإضراب استجابة لنداء المركزيات النقابية الخمسة.
شوارع فاس وأغلبية الأحياء، كما عاينت "كَود"، واقع فيها شلل كبير فقطاع النقل. المضربين وصل بيهم الحد باش يوقفو صحابهوم اللي مامشاركينش فهاد الإضراب.
البوليس من البارح وهو مطوق الشوارع باش كولشي يدوز مزيان. ماتكونش الفوضى والسيبة اللي ديما كيديروها بعض المحسوبين على هاد الفئة ديال الطاكسيات الحومر.
هاد الإضراب جا، حسب المحتجين، نتيجة الارتفاع الصاروخي في أسعار الكَازوال ونتج عنه تقلص المداخيل اليومية للمهنيين بشكل كبير وفقدان فرص الشغل.
وكان مهنيو قطاعات النقل بالمغرب (نقل المسافرين – نقل البضائع – سيارات الأجرة – عربات الإغاثة والجر) قد أعلنوا عن خوض إضراب عام وطني لمدة 72 ساعة قابلة للتمديد ابتداء من يوم 7 مارس 2022.
ودعت تنسيقية نقابات قطاع النقل الطرقي بالمغرب إلى هذا الإضراب الوطني بسبب ما أسمته "تجاهل" السلطات الحكومية للدعوات الموجهة إليها من أجل الجلوس على طاولة الحوار لمعالجة المشاكل التي يتخبط فيها المهنيون جراء الارتفاع المهول لأسعار المحروقات وتأثيرها المباشر على التوازنات المالية.