على حالة التنافي ديال رئيس جماعة "ولاد افريحة" فإقليم سطات كيخص الداخلية تتحرك بالزربة

وجهات الأمانة العامة ديال المرصد الوطني ديال تخليق الحياة العامة ومحاربة الفساد وحماية المال العام في المغرب شكاية لعامل إقليم سطات، ابراهيم ابو زيد، كتقول فيها بللي كاين حالة تنافي عند رئيس جماعة "ولاد افريحة" بإقليم سطات، بحيث أنو كيترأس هاد الجماعة وفنفس الوقت كيترأس "الجمعية الخيرية الإسلامية" بنفس الجماعة.
المرصد استاند في شكايتو على دورية ديال وزير الداخلية تحت عدد "D2158" اللي مؤرخة في 5 أبريل 2018، ديال دعم الجمعيات من الجماعات الترابية وإبرام اتفاقيات التعاون والشراكة معها.
المرصد زاد استاند في الشكاية ديالو لدورية وزير الداخلية تحت عدد "D1854" بتاريخ 17 مارس 2022، حول حالة تنازع المصالح بين جماعة ترابية والهيئات ديالها وعضو من أعضاء مجلسها، باش تطالب بتطبيق القانون في حق رئيس جماعة أولاد افريحة لتنازع المصالح بكونه لازال يرأس "الجمعية الخيرية الإسلامية" بالجماعة منذ الولاية الانتخابية السابقة، وهو ما يتعارض مع مقتضيات المراجع المذكورة أعلاه، خصوصا وأن هذه الجمعية تتلقى تحويلات مالية من جماعة "ولاد افريحة".
الشكاية قالت أنو مستشارا يشغل منصب كاتب مجلس الجماعة نفسها كاين تاهو في تشكيلة المكتب المسير للجمعية الخيرية، وهادشي كيستوجب اتخاذ ما يلزم حفاظا على المال العام من الهدر.
مصادر "گود" أكدات أن رئيس هاد الجماعة كان معلم ومادخلش للمدرسة هادي 20 عام حيت مستافد من وضعية "التفرغ".