ماطيشا دارت الگرون وفاتت 10 درهم للكيلو وتكلفة الحريرة ولات غاليا والمغاربة كاعين على الحكومة

اليوم ماطيشا فاتت 10 درهم للكيلو، بحيث انه فسوق الأحد بأكادير لي قريب بزاف لسوق الحملة بانزكان، وصل كيلو ديال ماطيشا لأكثر من 10 دراهم في ظل ارتفاع أسعار المحروقات ومواد غذائية أخرى أمام الدخل الفردي الضعيف للمواطنين وتدهور قدرتهم الشرائية.
لبارح ثمن سعر الطماطم بسوق الجملة فانزكان، وصل 9 دراهم للكيلوغرام، الثلاثاء، بعد كانت قد بلغت الاثنين حوالي 8.30 دراهم.
كاين الإقبال المتزايد على المنتوج مع أولى أيام رمضان المبارك، هادشي زاد ثمنو إضافة إلى الشتا لي حبسات ثاني قطف الطماطم.
طليلة فالفايسبوك والأسواق الشعبية غادي تبين لك الغضب الكبير ديال المغاربة على هاد الحكومة بسبب أخطاء كارثية ف التواصل خصوصا وعود الناطق الرسمي باسمها باش الأثمان غادي تهبط ل 3 تال4 دراهم فسوق الجملة، هادشي مكانش.
وزير الفلاحة وعد كذلك بلي هاد الأثمان غادي تنقص، مانقص والو.